尋日好鬼熱, 連平日洗完白白想第一時間衝返屋企搵爸爸的我都行得好鬼慢,

扯哂大氣, 眼仔仲紅哂呀....

媽咪用凍毛巾幫我抺腳仔, 用噴霧幫我濕頭仔, 仲開大埋冷氣幫我降溫添.....

正當我好舒服趴係地地抖涼時....弊加火! 急尿尿添!

我已經第一時間衝去廁所, 但可能放鬆得濟, 結果都係賴左尿!

我好驚比人鬧鬧, 所以成隻釘左係地度唔敢郁.

媽咪話唔緊要, 用地拖幫我清理, 但要我行開少少比佢拖地地喎!

點知行唔夠兩步就腳仔軟, 成隻趴左係地唔識得起身,

就算媽咪扶起我, 我仲係腳仔無乜力成個挨落媽咪度, 嚇到媽咪以為我中暑....

結果爸爸走埋來安撫我, 媽咪就繼續清理現場, 無幾耐就無哂事囉!

其實我並無中暑, 只係怕做錯事比媽咪鬧先腳仔都軟哂啫!

但媽咪問我仲乜越大越怕媽咪鬧喎, 仲要明明已經無鬧添!