原本已經好無記性的媽咪, 因為世界盃的關係, 就變得更加失魂!

好似用完熱水唔記得關熱水爐啦! 出門口唔記得關冷氣啦!

更大鑊的係. 竟然連晚飯仔都唔記得比我食呀!!!

等媽咪抱起我果時仲話我輕左, 無食飯就梗係輕啦!

結果搞到臨瞓仲要餓住個肚仔"靜坐"係爸爸面前投訴,

好彩爸爸同我心有靈犀知道我講乜咋!

仲即刻比餅餅我食醫下肚, 我當場開心返哂, 仲騎騎笑添!