媽咪放工頭赤赤, 爸爸話等媽咪瞓多陣先同佢食飯喎!

原本係地下瞓得好地地的我, 突然彈左起身, 係咁抓媽咪度房門叫佢起身....

隔左一陣終於都叫醒左媽咪嘞, 於是我就興高采烈即刻帶佢去沙發, 示意佢抱我上沙發, 因為地地實在太凍啦!

媽咪無我咁好氣仲口up up咁話: 「以為你叫我起身食飯, 原來叫我抱你上沙發, 咁你都等我醒勻先得架! 家陣手軟軟架.....」

洗完白白, 我就好心急咁想衝返去搵爸爸,

就算出動到平日令我好興奮的怪獸 (吸塵機), 甚至成盒餅餅放左係路中心,

我都一概當佢地透明, 話過就過, 總之就要第一時間, 想比爸爸睇下我個靚靚樣!

昨日沖完涼返屋企, 一打開大門, 我就見到我個飯兜放左係走廊中心,

裡面仲放左好多潔牙餅餅, 我都不禁停低, 咀lam lam, 諗左一秒.....

結果都係捨棄左餅餅, 選擇搵左爸爸先啦!

爸爸媽咪見我咀lam lam果一刻, 心諗我一定會為食當前乜都唔記得架啦!

又點估到我愛零食, 但我更愛爸爸呢!

媽咪攞條帶帶出來, 表示我有街街去,

但我一D都唔興奮囉, 爸爸又唔去, 咪又係去洗白白咋嘛.....

媽咪點用帶帶拉我, 我都釘左係地地唔願行, 仲要扁起埋個咀....

結果都係爸爸出馬同我一齊去, 我就當堂笑哂口, 生猛哂, 仲要係部lift度開心到跳跳貢!

雖然結果都係去洗白白, 但係沿途有爸爸陪, 確係唔同D!!